БОАЖЯ-наас өнөөдөр “Ойн бирж” компанид хяналт шалгалт хийж, дараа нь хэвлэлийнхэнд мэдээлэл өгнө гэв. Тус компани газраа зориулалтын бусаар ашигласан, орчны бохирдол үүсгэсэн тул газрыг цуцлах санал гаргах юм байна.
Мөн Зайсангийн аманд газар эзэмшигч “Хан бэлчир” компанийн ашиглалтын талбайгаас хэтрүүлж барьсан блокон хашааг буулгаж, газар чөлөөлөн, нийтийн орц гарцыг нээнэ.
Дараа нь шалгалтын баг Нүхт, Арцатын аманд ажиллан, шороон овоолго үүсгэсэн, зориулалтын бусаар газар ашиглаж байгаа аж ахуйн нэгжүүдэд хяналт шалгалт явуулна гэж БОАЖЯ-наас мэдээлэв.
“Ойн бирж” компани нь бөөний болон жижиглэн худалдаа, нефтийн бүтээгдэхүүн, шингэрүүлсэн хийн импорт, хангамжийн чиглэлд үй ажиллагаа явуулдаг. "Тэс петролиум" компанийн охин компани юм. 2005 онд байгуулсан энэ компанийг УИХ-ын гишүүн Баагаагийн Баттөмөр 100 хувь эзэмшдэг юм.
