УИХ-ын ээлжит чуулганаар Улс төрийн намын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцэж байна.
Энэ үеэр УИХ-ын гишүүн С.Одонтуяа:
"Транспэренси интернэйшнл байгууллагаас судалгаа хийхэд авлигын асуудлыг үүсгээд байгаа хэсэг нь улс төрийн намууд өөрсдөө юм байна. Сонгууль нь юм байна. Намууд нь асар их мөнгө шаарддаг, үзэл бодол, бодлогоороо өрсөлдөхөөс илүү санхүүжилт авдаг, ашигтай үйл ажиллагаа явуулдаг бизнесийн байгууллага ч юм шиг буруу явж байна гэсэн дүгнэлтүүд байна.
Дэлхийн улс орнуудын улс төрийн намуудын жишгийг харахад улам хялбар цомхон болж байна. Цахим бий болчихсон. Сум болгонд салбар үүсгээд үзэл бодлоо түгээх, гишүүдийг бий болгох биш цахимаар үзэл бодлоо түгээж, мэдэж авах боломжтой болсон. Эмэгтэйчүүдийг дэмжсэн олон асуудлууд орсонд баяртай байна.
Төрийн албыг улс төрийн намууд самраад байна. Хэдэн цүнх баригчид төрийн албуудыг эзэлж байдаг. Ямар ч мэргэжлийн бус энэ зүйлийг хориглох ёстой.
Орон нутагт хэт улс төрждөг байдлыг бид болиулах хэрэгтэй. Цөөхөн монголчууд орон нутагт их өрсөлддөг. УИХ-д намууд үзэл баримтлалаараа өрсөлдөх нь зөв. Орон нутагт очихоор аж ахуйн ажилд улс төржилт садаа болдог. Тиймээс орон нутагт улс төржилтийг багасгах чиглэлд дэвшил гаргах ёстой.
Түрүүнд Ц.Даваасүрэн гишүүн хэлсэн. Төрийн албыг улс төрийн намууд самраад байна. Төрийн албаны мерит зарчим, чадавхтай байх асуудал байхгүй болчихлоо. Хэдэн цүнх баригчид төрийн албуудыг эзэлж байдаг. Ямар ч мэргэжлийн бус энэ зүйлийг хориглох ёстой. Хүмүүс сонголтоо хийг. Хооронд нь сүлжиж байдаг замуудыг хаах хэрэгтэй. Улс төрөөс гадна төрийн алба руу ордог юмыг зогсоохгүй бол энэ хууль ач холбогдлоо өгөхөө болино.
Сонгуулийн хуульд мөн Т.Доржханд бид ярилцсан. Гишүүд юм тараадгаа больё. Ард түмэн ч хүсэхээ больж. Тэтгэвэр нэмээд өгөөч, наад гурил будаагаа битгий тараа гэж хэлж байна. Улс төрийн нам үзэл баримтлалаа багтаасан ном тараахаас биш бараа таваар тарааж ард түмнээ доромжилдгоо больё.
Я.Содбаатар:
Улс төрийг мөнгөний нөлөөллийг багасгах чиглэл рүү бид бүгд явах ёстой. Энэ удаад улс төрийн зардлыг багасгах, хандив нэрээр орж ирж байгаа хөрөнгө мөнгийг тодорхой болгох ойлгомжтой заалтыг оруулж байна. Нэг хүн ойролцоогоор 6 сая төгрөг хандивлах боломжтой болж байгаа" гэлээ.
