Нүүрсний гэх хэргийн явцын талаар Прокурорын байгууллагаас мэдээлэл өглөө.
Монгол Улсын Ерөнхий прокурорын газраас хамтарсан ажлын хэсэг томилох тухай тогтоол гарсны дагуу АТГ, ЦЕГ-аас энэ хэрэг дээр 48 мөрдөгч, нийт 12 прокурор хяналт тавьж ажиллаж байна. Одоогоор 47 хэрэг шалгагдаж байгаа бөгөөд нийт 57 хүнд холбогдох 5 хэргийг шүүхэд шилжүүлсэн. 227 объектод нэгжлэг хийсэн. 127 хүнд эрүүгийн хэрэг үүсгэж яллагдагчаар татсан. Одоогоор эрх бүхий албан тушаалтан 13,8 тэрбум төгрөгийн хахууль авсан байж болзошгүй нөхцөл байдал тогтоогдсон. Тиймээс нэр бүхий яллагдагч нарын 97 эд хөрөнгийн шилжилт хөдөлгөөнийг хязгаарласан байна.
Мөрдөн шалгах ажиллагааны явцад 630 сая төгрөг, 230 мянган ам.долларыг бэлнээр хурааж авч, эх үүсвэрийг шалгах ажиллагаа хийгдээд дуусч байна гэв. Өнөөдрийн байдлаар УИХ-ын гишүүн гэсэн 7 хүн энэ хэрэгт шалгагдаж байна. Шүүхэд шилжүүлсэн хэрэг байхгүй ч ажиллагаанууд хийгдэж байна. Мөрдөн шалгах ажиллагааны явцад гишүүний зүгээс саад учруулсан нөхцөл байдал тогтоогдвол Ерөнхий прокурорт ханддаг. Прокурорын байгууллагаас 3 гишүүний бүрэн эрхийг түдгэлзүүлэх санал УИХ-д оруулсан. Хоёр гишүүний бүрэн эрхийг түдгэлзүүлээд байна гэв.
