Илон Маскийн "SpaceX" компани анх удаагаа "Starship"-ийг мэргэжилтнүүд түүхэн дэх хамгийн хүчирхэг пуужин гэж нэрлэжээ. Уг хөлөг нь бараг 120 метр өндөр бөгөөд урьд өмнө нь бүтээгдсэн сансрын хөлгүүдээс бараг хоёр дахин их хүч чадалтай. Тодруулбал, энэ пуужин 100 тнн-оос дээш ачаа эсвэл 100 хүний бүрэлдэхүүнтэй экипажийг сансарт хүргэж чадна.
Даваа гаригийн орон нутгийн цагаар өглөөний 8 цагт Техас мужийн Бока Чика хотын тусгай талбайгаас хөөргөхөөр төлөвлөсөн байв. Гэхдээ эцсийн мөчид хөөргөх хугацааг хойшлуулахаар шийджээ.
Илон Маск "Энэ бол бүтэлгүйтэж мэдэх маш нарийн төвөгтэй аварга пуужингийн анхны хөөргөлт. Хэрвээ ямар нэг зүйл бидний санааг зовоож байгаа бол хөөргөхөө хойшлуулах болно" гэж Твиттер хуудсандаа анхааруулж байсан юм.
Элон Маск "Starship"-ийг пуужингийн болон сансрын салбарт хувьсгал хийнэ гэж найдаж байна.
Пуужин дахин ашиглах боломжтой байхаар бүтээгдсэн бөгөөд Маскийн бодсончлон өдөрт хэд хэдэн нислэг хийж, тойрог замд хүн болон ачаа хүргэх боломжтой болно. Мөн "Starship"-ийг жирийн хүмүүсийн гариг хоорондын аяллын эрин үеийг эхлүүлж чадах тээврийн хэрэгсэл гэж үздэг.
Үүнээс урьд энэхүү аварга хөлгийн дээд ба доод хэсгүүдийг бие биенээсээ тусад нь туршиж үзсэн бөгөөд харин Даваа гарагт тэднийг анх удаа бүхэлд нь туршиж үзэхээр төлөвлөж байв.
Хөгжүүлэгчдийн "Super Heavy" гэж нэрлэдэг доод хэсэг нь 33 хөдөлгүүртэй аварга том хурдасгагч юм.
Пуужин хөөргөсөнөөс хойш хоёр минут 49 секундын дараа доод шат нь пуужингаас салж, өөрийн хөдөлгүүрээр Карибын тэнгис дээгүүр, дараа нь дэлхийн гадаргаас дээш 100 гаруй км өндөрт хүрэх болно.
Энэ тойрог замд нийт зургаан минут 23 секунд зарцуулагдана. Дараагийн 90 минутын хугацаанд хөлөг дэлхийг тойрон бараг бүрэн эргэлт хийж, дэлхийн агаар мандалд буцаж орж, Хавайн арлуудаас хойд зүгт Номхон далайд буух ёстой.
Эх сурвалж: ВВС
