CoinDesk криптовалют тухай мэдээллийн сайтаас мэдээлснээр биткоины ханш сүүлийн 24 цагийн хугацаанд 3 хувиар өсөж, 31,000 ам.долларыг давжээ.
Биткоины ханшийн хувьд хамгийн сүүлд 31,000 ам.долларыг давсан нь өнгөрөгч оны зургаадугаар сарын наймны өдөр юм. Тус өдрөөс хойш биткоины ханш тасралтгүй унасан билээ.
Гэвч баасан гарагийн өглөө 31,000 ам.долларт хүрсэн нэгж биткоины ханш оройн 21:00 цагийн байдлаар 30,690.82 ам.долларын үнэлгээтэй болсон юм.
Харин криптовалютын хамгийн өндөр үнэлгээтэй коин болох биткоины ханшийг даган ханш нь хэлбэлзэж байдаг эфериум коины ханш өнгөрөгч 24 цагийн хугацаанд 5.03 хувиар өсөж, 21:00 цагийн байдлаар нэг ширхэг эфериум 2,100 ам.долларын үнэлгээтэй болжээ.
Эх сурвалж: ТАСС
