Үдээс хойших хуралдаанаар УИХ-ын сонгуулийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Улсын Их Хурлын тогтоолын төсөл /Улсын Их Хурлын гишүүн Н.Энхболд нарын 4 гишүүн 2023.04.05-ны өдөр өргөн мэдүүлсэн, хэлэлцэх эсэх/-ийг хэлэлцэх эсэх асуудлыг хэлэлцэж байна.
УИХ-ын гишүүн Ш.Раднаасэд:
-Сонгуульд нэр дэвшиж байгаа хүмүүс тойрогтоо хамтарсан сурталчилгаа хийвэл яасан юм бэ. Мэтгэлцээд л явчих. Ингэвэл зардал хэмнэхээс гадна хэн нь хэн бэ гэдгийг ялгаад өгнө. Тэгэхгүй бол ар, араасаа очоод нэг нэгнээ гүтгээд явдаг. Нүүр, нүүрээ хараад үнэн зөвөө ярьдаг байдлыг хуульдаа тусгачихвал үр дүнтэй.
-Сонгуулийн ерөнхий хорооны Хуулийн хэлтсийн дарга Д.Бат-Эрдэнэ:
-Хуулийн төслийг боловсруулахдаа сонгуульд оролцож буй нэр дэвшигч, нам, эвслээс гаргаж байгаа зардлыг бууруулах чиглэлд анхаарч ажилласан. Тэр дундаа сонгуулийн сурталчилгааны хэвлэмэл материал, ухуулах хуудас, тээврийн хэрэгсэл, зурагт самбар зэргийн төрөл, хэмжээг 30-70 хувь бууруулахаар оруулж өгсөн.
Тухайлбал, сонгуулийн сурталчилгаанд ашиглах тээврийн хэрэгслийг 50 хувь, хэвлэл материалыг 30, ухуулах хуудсыг 50, зурагт самбарыг 60 хувиар бууруулах байдлаар төсөлд тусгаад байгаа. Ингэснээр сонгуулийн сурталчилгааны зардал 48 хувиар буурах тооцоотой байгаа.
Үдээс хойших хуралдаанаар УИХ-ын сонгуулийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Улсын Их Хурлын тогтоолын төсөл /Улсын Их Хурлын гишүүн Н.Энхболд нарын 4 гишүүн 2023.04.05-ны өдөр өргөн мэдүүлсэн, хэлэлцэх эсэх/-ийг хэлэлцэх эсэх асуудлыг хэлэлцэж байна.
