Мөнгөн дэвсгэрт үйлдвэрлэгч Де Ла Ру компаниас мэдэгдсэнээр дэлхий дахинаа мөнгөн дэвсгэртийн эрэлт сүүлийн 20 жилийн хугацаан дахь хамгийн доод түвшинд хүрчээ.
Зах зээлийн эргэлтэд орж буй мөнгөн дэвсгэртүүдийн гуравны нэгийнх нь загварыг гаргаж, үйлдвэрлэдэг тус компанийн зүгээс тайлбарласнаар мөнгөн дэвсгэртийн эргэлт цар тахлаас хойш унасан гэнэ. Улмаар энэхүү уналт тэдний бүтэн жилийн ашигт нөлөөлөх нь гарцаагүй болсон бөгөөд их хэмжээний тодорхойгүй байдал үүсгэж байгаа аж.
Тиймээс ч тэд зээл авсан банкнуудтайгаа гэрээний нөхцөлөө эргэн хэлэлцэх болсон байна.
Де Ла Ругийн зүгээс хэлснээр дэлхий дахинаа мөнгөн дэвсгэртийн эрэлт сэргэх шинж ажиглагдаж байгаа ч яг хэзээ сэргэх нь тодорхойгүй байгаа гэсэн юм.
