МАН-ын Удирдах Зөвлөл өнөөдөр хуралдаж, УИХ-ын гишүүн Х.Булгантуяаг Хөдөлмөр, Нийгмийн Хамгааллын сайдаар томилохоор болж, чуулганы нэгдсэн хуралдаанд Засгийн газрын гишүүний тангараг өргөх гэж байна.
Тэрбээр "Засгийн газар дээр төрийн албаны цалингийн тогтолцоог шинэчлэн сайжруулах ажлын хэсэг гараад ажиллаж байгаа. Нэг салбарын ТҮ-3 нөгөө салбарын ТҮ-3 зэрэглэл цалингийн хувьд ялгаатай. Орон нутагт ажиллаж байхад төрийн албан хаагчдын цалингийн асуудлыг хамгийн ихээр хөнддөг.
Ялангуяа соёлын салбарын цалин үнэхээр доогуур байгааг илэрхийлдэг. Үүнтэй холбоотойгоор УИХ дээр төрийн албаны шинэчлэлийг хэлэлцэж, батлуулах байх.
Эхний ээлжид төрийн албаны тогтолцоог сайжруулах, цалинг нэмэгдүүлэх шаардлагатай. Цаашид улс төрийн шийдвэр гаргахгүйгээр инфляцтай уялдуулан цалинг нэмэгдүүлдэг болох шийдвэрийг гаргаснаар төрийн албанд ажиллах боловсон хүчин сайжирна" хэмээн байр сууриа илэрхийллээ.
