МАН-ын Удирдах зөвлөлийн хурлаар нийт 5 асуудал хэлэлцэхээр төлөвлөсөн бөгөөд хамгийн сонирхолтой нь ХНХ-ын сайдын томилгооны хэсэг. Уг хурлаар зөвхөн ХНХ-ын сайдын томилгоо бус өөр нэг сайдын томилгоог давхар хэлэлцэнэ гэдгийг эх сурвалж мэдээллээ.
Тодруулбал, Хөдөлмөр, нийгмийн хамгааллын дараагийн сайдаар УИХ-ын гишүүн, Боомтын сайд Х.Булгантуяаг сэлгэн томилохоор болжээ. Учир нь ХНХЯ-тай холбоотой үндсэн суурь асуудлууд өнгөрсөн хугацаанд сайдынх нь томилгоотой холбоотойгоор шийдэгдэхгүй хүлээгдэж байгаа. Үүнд Нийгмийн даатгалын багц хуулийн шинэчлэл, баялгийн сан болон үйлдвэрчний эвлэлтэй хамтарч цалин хөлсийг ирэх оноос нэмэгдүүлэх. Мөн тэтгэвэр, тэтгэмжийг нэмэх болон зөрүүг арилгах гээд нэн яаралтай хүлээгдэж буй бодлогын олон асуудлууд хүлээгдэж байгаа. Тиймээс Сангийн дэд сайдаар ажиллаж байсан зэрэг туршлагыг нь харгалзан үзээд ийнхүү сэлгэн томилохоор шийдвэрлэжээ. Хоёр удаа сонгогдсон эмэгтэй гишүүдээс нэгийг нь ХНХ-ын сайдад тавих талаар яриа гарсан ч өнгөрсөн долоо хоногт болсон гурван гишүүнийг эргүүлэн татах асуудлын үеэр "Ажнай" Д.Бат-Эрдэнэ нарыг "явуулахгүй" байх кноп дарсан хэмээх шүүмжлэлд өртөж нэрс нь хасагдсан сурагтай.
