Монголчууд бид УИХ-ын түвшинд хэлэлцэж байгаа нийт массын амин чухал эрх ашигтай хамааралтай асуудлыг тоохгүй орхидгоос болж, өнөөдрийн учир нь үл олдох нөхцөл байдал бий болсон. Улс төрийн нам, бүлэглэл, фракцын нийт массын сэтгэл зүй дээр тоглолт хийсэн аливаа үйл явдлыг түр хаяж, нийт Монголчуудын амьдралын чанарт нөлөөлөхүйц, бодлого шийдвэрт анхаарлаа хандуулах цаг нэгэнт болжээ. Магадгүй бид энэ асуудлуудыг хаягдуулснаар ирээдүйд асар их хор хохирол амсаж болно. Цаашилбал, улс орны тусгаар тогтнол, аюулгүй байдал алдагдах хэмжээнд хүрч, “оройтсон борооны хойноос цув нөмрөв” гэгч болох вий.
Эрүүл мэндийн салбарт мөнгөтэй болохын хэрээр ард иргэдийн эрүүл мэнд доройтоод байна. Асар их хэмжээний мөнгө төсвөөс зарцуулж байгаа ч гэсэн иргэд нь бухимдалтай, ядуу, өвчтэй, эмч нар нь ачааллаа дийлэхгүй ууртай болсоор байна. Тэгэхээр хаана нь алдаа байна вэ?
Иргэдийн даатгалын мөнгийг захиран зарцуулахад оролцох эрх бүхий Эрүүл Мэндийн Даатгалын Үндэсний зөвлөлийн гишүүдэд нэр дэвшигчдийн сонсгол энэ сарын 10-ны өдөр буюу ирэх даваа гарагийн 14 цагт болох гэж байна.
Иргэдийн эрх ашгийг хамгаалж, Эрүүл мэндийн даатгалын сангийн зарцуулалтад оролцож, зарцуулалтыг оновчтой болгож, эрүүл мэндийн салбарт бодит үр дүнг авч ирэхэд уг нь эдгээр хүмүүсийн үүрэг бий. Гэвч өнгөрсөн цаг хугацаанд ЭМДҮЗ-ийн гишүүд юу хийсэн бэ гэдэг хачирхалтай. Тэдэнд хяналт ч байгаагүй.
Эрүүл мэндийн даатгуулагчдын хяналт ТББ-ын тэргүүн Р.Эрдэнэбат “Эрүүл мэндийн яам, Эрүүл мэндийн даатгалын Ерөнхий газар хоёрын дээд талд нь ЭРҮҮЛ МЭНДИЙН ДААТГАЛЫН ҮНДЭСНИЙ ЗӨВЛӨЛ гэдэг байгууллага байдаг.
ЭМДҮЗ-д Эрүүл мэндийн сайд, Хөдөлмөр, нийгмийн хамгааллын сайд, Сангийн сайд, / төрийн 3 төлөөлөл/ ажил олгогчдын төлөөлөл 3 хүн, иргэдийн төлөөлөл 3 хүн нийт 9 хүнтэй үндэсний зөвлөл гэсэн орон тооны бус байгууллага тогтоол шийдвэр гаргаж ЭМДЕГ болон ЭМЯ –ийг удирдаж байгаа юм шиг байна.
Яагаад юм шиг байна гэхээр зөвхөн энэ байгууллагуудын мөнгийг захиран зарцуулахад л оролцдог гэж ойлгож болно.
Үндэсний зөвлөл гэдэг орон тооны бус энэ хүмүүс улиралд нэг удаа хуралддаг, тогтоол баталдаг, түүнийг нь ЭМДЕГ хэрэгжүүлдэг. Ямар ч бодлого боловсруулдаггүй, үйл ажиллагааг зохицуулах тогтоол гаргадаг” гэж ярьсан байдаг.
Мөн “Манай улсад даатгалын үндэсний зөвлөл гэж харьяалал нь бараг тодорхойгүй хэдэн хүн тогтоол, журам гаргадаг. Даатгалын үндэсний зөвлөлийн тооцоо, судалгаагүй гаргасан тогтоол шийдвэр нь буруу байвал түүнийг залруулах, хүчингүй болгох хүртэл цаг хугацаа, мөнгө санхүүгийн алдагдал гардаг. Алдаатай тогтоол шийдвэртэй холбоотойгоор хариуцлага хүлээн эзэн байдаггүй. Энэ мэтээр иргэдийн халааснаас гарч байгаа мөнгө ямар ч хяналтгүй, оновчгүй зарцуулагдаж, иргэдэд үр дүнтэй үйлчилгээ хүрч чадахгүй байгаад байна. Үүнийг одоо ярьж, засаж залруулах тал дээр нийт масс дуугарах, зохион байгуулалтад орж ажиллах шаардлага тулгараад байна л даа” гэжээ.
Одоо санд хуримтлагдсан мөнгийг захиран зарцуулахад оролцох эрх бүхий дараагийн ээлж томилогдох гэж байна. Гэхдээ тэдний дэвшүүлсэн асуудал, юу хийх тухайгаа бичсэнийг харвал Монголын эрүүл мэндийн нөхцөл байдал тийм ч их өөрчлөлт авчрахгүй гэдэг нь илт. Бодит санаачилга, бодит гаргалгаа нэр дэвшигчдийн хэнээс нь ч ажиглагдсангүй.
Жижүүрийн хэдэн тулгамдсан асуудлыг тоочиж, түүнийгээ өөрчилнө гэх үгийг л бичсэн харагдана билээ. Тэгэхээр эдгээр нэр дэвшигчдийн талаар бодит яриа хэлэлцээр болж, үр дүнтэй сонсгол болоосой гэж хүснэ.
Ямартай ч даваа гарагийн сонсголын чих тавин сонсож, нэр дэвшигчид юу ярихыг харах л бидэнд үлдлээ. Тэдний ЭМДҮЗ-ийн гишүүн болох замд ногоо гэрэл асах болов уу, эсвэл улаан гэрэл асах болов уу!?
Эрүүл мэндийндаатгалын үндэсний зөвлөлийн гишүүнд даатгуулагчийг төлөөлсөн гишүүнд Монголын үйлдвэрчний эвлэлийн холбооноос нэр дэвшигчидтэй танилц
Эрүүл мэндийндаатгалын үндэсний зөвлөлийн гишүүнд ажил олгогчийг төлөөлсөн гишүүнд Монголын ажил олгогч эздийн нэгдсэн холбооноос
Монголын үндэсний худалдаа аж үйлдвэрийн танхимаас
Н.МӨНХ
