Дундговь аймгийн Баянжаргалан сумын Энгэр-Ус багийн ‘”Оорцог” гэдэг газар /аймгийн төвөөс зүүн зүгт 180 км, сумын төвөөс урд зүгт 30 км-т/ байрлах Флюмон ХХК-ийн үйл ажиллагаа явуулж буй “Хөх дэл” гэдэг нэртэй жоншны уурхайн Экскаваторын жолооч-оператор /36 настай эрэгтэй/ жоншны уурхайн гүний тогтоол ус руу экскаватортойгоо 14:50 цагт унаж осолдсон тухай дуудлагыг 2023 оны дөрөвдүгээр сарын 1-ний өдрийн 16:30 цагт хүлээн авсан.
Усанд осолдогчийг эрэн хайх ажиллагаа 2023 лны дөрөвдүгээр сарын 1-ний өдрийн 21:41 цагаас эхэлж 94 цагийн хугацаанд эрэн хайх аврах ажиллагааг зохион байгуулан 10 метрийн гүнд 17 удаагийн шумбалт гүйцэтгэн, 8550 тн усыг соруулан зайлуулж 2023 оны дөрөвдүгээр сарын 5-ны өдрийн 20:20 минутад нэрвэгдэгчийг олж Шүүх шинжилгээний газарт хүлээлгэн өглөө гэж Дундговь аймгийн ОБГ-аас мэдээллээ.
