Засгийн газрын ээлжит хуралдаан боллоо. Хуралдаанаас гарсан шийдвэрийн талаар Цахим хөгжил, харилцаа холбооны сайд Н.Учрал танилцуулж байна.
Н.Учрал: Авлигатай тэмцэх хүрээнд хэрэгжүүлж буй 5Ш ажиллагааг хянах shilengov.mn сайтыг ажиллуулж байна.
Шилэн ажиллагааг эрчимжүүлэх чиглэлээр Ерөнхий сайд дараах албан үүргийг өгсөн. Нийтийн мэдээллийн ил тод байдлын хуульд заасан 68 төрлийн мэдээллийг нэгтгэж машин унших форматаар бэлтгэн ЦХХ-ны сайд Н.Учралд 2023 оны зургаадугаар сарын 1-ний дотор хүргүүлэхийг дараах албан тушаалтнуудад даалгасан. Тусгай хамгаалалттай газар газар ашиглах гэрчилгээ, байгуулсан гэрээ, газар ашиглалтын төлбөр төлөлтийн байдал, хүн хуулийн этгээдийн үйл ажиллагаа, үйлдвэрлэл үйлчилгээний явцад байгааль орчинд учруулж болзошгүй сөрөг нөлөөлөл, үр дагавар, тэдгээрийг арилгах арга хэмжээг тогтоосон байгаль орчны нөлөөллийн үнэлгээг хийж хүргүүлэхийг холбогдох яамны сайдад даалгажээ.
Мөн барилга байгууламжийг ашиглалтад оруулахыг зөвшөөрсөн улсын комиссын дүгнэлтийг хүргэхийг Барилга, хот байгуулалтын сайд Ц.Даваасүрэнд даалгасан.
Нийтийн мэдээллийн ил тод байдлын хуулийг хэрэгжүүлээгүй байгууллагууд зургаадугаар сарын 1-нээс хойш АТГ-т тухайн төрийн албан тушаалтныг шилжүүлэх талаар Ерөнхий сайд мэдээлсэн. Хуулийг биелүүлэхгүй байгаа нь АТГ-т тухайн хүнийг шилжүүлэх үндэслэл болно гэж үзэж байна.
ХАА-н санг олон нийтэд нээлттэй болгоно. Үүн дээр хууль зөрчсөн эсэх дээр олон нийт, сэтгүүлчид үнэлэлт, дүгнэлт хийж, шүгэл үлээх боломжтой.
