УЕПГ-аас УИХ-ын гурван гишүүний бүрэн эрхийг түдгэлзүүлэх саналаа УИХ-ын даргад хүргүүлээд буй. Тэгвэл уг асуудлыг УИХ-ны чуулганы хуралдаанд нээлттэй явуулах ёстой гэсэн саналыг иргэдийн зүгээс тавьж байгаа юм. Энэ талаар УИХ-ын гишүүн Т.Доржхандын байр суурийг сонирхлоо.
Тэрбээр "“Хэрвээ та бүхэн санаж байгаа бол нэг жилийн хөгжлийн банкны асуудлаар прокуророос нэрс оруулж ирсэн байдаг. Харамсалтай нь хаалттай хуралдаад үр дүнд нь бол 90 гаруй хувиар авч үлдсэн байдаг. Энэ чинь бол бүрэн эрх түдгэлзүүлэх асуудал шүү дээ. Нөгөө талдаа хуулийн байгууллага хянан шалгах үйл ажиллагааг нь чөлөөтэй явуулж чадаж байна уу үгүй юу. Чөлөөтэй явуулж чадахгүй байх юм бол бүрэн эрхийг нь түдгэлзүүлдэг ийм л хэлбэр гэж ойлгодог. Аль болох нээлттэй ард иргэдийн өмнө ил тодоор ярих шаардлагатай, ийм зарчимтай баймаар байгаа юм”гэв.
