Оросын цэргүүд Украинд пуужингийн цохилт өгөх тактикаа өөрчилж, Украины цэргийн байгууламжид анхаарлаа хандуулж магадгүй гэж Америкийн дайн судлалын хүрээлэнгийн (ISW) шинжээчид ээлжит тайландаа дурджээ.
Тэдний үзэж байгаагаар Оросын пуужингийн цохилтын нийт тоо буурч байгаа нь нарийвчлал бүхий удирдлагатай пуужингийн нөөц шавхагдаж байгааг харуулж байна.
Украины Цэргийн тагнуулын ерөнхий газрын хэвлэлийн төлөөлөгч Вадим Скибицкий хэлэхдээ, Оросын арми Украины эрчим хүчний дэд бүтцийг үргэлжлүүлэн онилохын зэрэгцээ Украины цэргийн байгууламжууд болон хүчний төвлөрөлд цохилт өгөхөд анхаарлаа хандуулж байна гэжээ.
Скибицкийн хэлснээр Оросын арми пуужингаа хэмнэх шаардлагатай байгаа тул сард хоёроос илүү удаа дайралт хийх боломжгүй байгаа. Өнгөрсөн оны намар тэд агаарын довтолгоонуудыг долоо хоногт нэг удаа хийдэг байсан гэв.
ISW-ийн мэргэжилтнүүд мөн Оросын пуужингийн арсенал багасаж байгаа нь цохилтын давтамж, эрчмийг хязгаарлаж болзошгүй гэж таамаглаж байгаа юм.
Эх сурвалж: ВВС
