УИХ-ын Халдашгүй байдлын дэд хороо хуралдаж даргаа сонгожээ.
Тодруулбал, Халдашгүй байдлын дэд хорооны дарга Н.Энхболдыг Төрийн байгуулалтын байнгын хорооны даргаар сонгосон учраас Халдашгүй байдлын дэд хороо даргагүй болжээ. Тиймээс дараагийн даргыг сонгожээ. Ингээд УИХ-ын гишүүн Ц.Мөнх-Оргилыг Халдашгүй байдлын дэд хорооны даргад нэрийг нь дэвшүүлсэн бөгөөд хуралдаанд оролцсон гишүүдийн олонх дэмжлээ.
Улсын ерөнхий прокурор Б.Жаргалсайхан нэр бүхий гурван гишүүний бүрэн эрхийг түдгэлзүүлэх саналыг УИХ-д өчигдөр орой өргөн барьсан гэсэн мэдээлэл байна. Тодруулбал, УИХ-ын гишүүн Т.Аюурсайхан, Н.Наранбаатар, Д.Бат-Эрдэнэ нарыг нүүрсний гэх хэрэгт яллагдагчаар татсан учраас бүрэн эрхийг түдгэлзүүлэх саналыг УИХ-д оруулж байгаа аж. Прокурорын саналыг УИХ-ын Халдашгүй байдлын дэд хороогоор хэлэлцэх учраас ийнхүү даргаа сонгож байгаа аж.
