Гааг дахь Олон улсын эрүүгийн шүүхээс ОХУ-ын Ерөнхийлөгч Владимир Путин болон тус улсын хүүхдийн эрхийн комиссар Мария Львова-Белова нарыг баривчлах захирамж гаргажээ. Тэднийг Украины хүүхдүүдийг эх орноос нь албадан гаргасан хэрэгт буруутгаж байгаа юм.
Украины хүүхдүүдийг Орос руу шилжүүлсэн тухай тайлан цацагдсан бөгөөд энэ нь цэргийн гэмт хэрэг гэж НҮБ-ын Мөрдөн байцаах комиссоос пүрэв гарагт мэдэгдсэн юм.
Олон улсын эрүүгийн шүүхийн хэвлэлийн мэдээнд "Өнөөдөр буюу 2023 оны гуравдугаар сарын 17-ны өдөр Олон улсын эрүүгийн шүүхийн Урьдчилсан шатны хоёрдугаар танхим Украинд үүссэн нөхцөл байдлын улмаас ноён Владимир Владимирович Путин, хатагтай Мария Алексеевна Львова-Белова нарын хоёр хүнийг баривчлах захирамж гаргалаа" гэжээ.
