Украин дахь цэргийн ажиллагаа оны сүүлчээс өмнө дуусах бөгөөд барууны орнууд энэ талаар буруу үйлдэл хийснээ хүлээн зөвшөөрч байна гэж Чеченийн тэргүүн Рамзан Кадыров тус улсын Үндэсний бодлого, гадаад харилцаа, хэвлэл мэдээлэл, мэдээллийн сайд Ахмед Дудаевт өгсөн ярилцлагадаа мэдэгджээ.
“Энэ оны эцэс гэхэд тусгай ажиллагаа дуусна. Европын улсууд өөрсдийн үйлдлүүдийн бурууг хүлээн зөвшөөрч байгаа. Хүссэн хүсээгүй Европын улсууд ердийнх шигээ Оросын Холбооны Улстай бүх салбарт хамтран ажиллах шаардлагатай болно. Өөр байх ёсгүй, байж ч чадахгүй" гэж Кадыров дээрх ярилцлагадаа дурджээ.
Энэ ярицлагыг өгөхөөс өмнөх өдрөө Кадыров өөрийн Telegram сувагтаа Украиныг дэмжиж буй Польш цэргийн нөөцөө шавхсан гэж бичиж байв. Чеченийн тэргүүн үргэлжлүүлэн "Польш одоо хийж буй үйдлийнхээ зөв бурууд эргэлзэж байна. Хэрэв цэргийн тусгай ажиллагаа амжилттай дууссаны дараа Орос дараагийн улсыг деазизаци хийж, цэрэггүй болгож эхэлбэл яах вэ? Эцсийн эцэст, Украины дараа Польш газрын зураг дээр байна! Үнэнийг хэлэхэд, би хувьдаа ийм бодолтой байгаа бөгөөд Сатанизмын эсрэг тэмцэл Европ даяар, тжр дундаа юуны өмнө Польшийн нутаг дэвсгэр дээр үргэлжлэх ёстой гэж олон удаа мэдэгдэж байсан" хэмээн Чеченийн тэргүүн энэ ярилцлагадаа онцолжээ.
Тодотгоход тэрбээр энэ ярицлагаа өнгөрөгч хоёрдугаар сард өгч байсан юм.
Эх сурвалж: https://rtvi.com/
