Нарны аймгийн олон сая астероидуудаас /жижиг биет/ маш цөөхөн нь дэлхийтэй мөргөлдөх магадлалтай байдаг. Гэвч ердөө хоёр долоо хоногийн өмнө эрдэмтэд шинэ астероидыг илрүүлсэн бөгөөд энэ нь өнөөг хүртэл бүртгэгдсэн хамгийн том эрсдэлт магадлалын нэг гэж CBS News бичжээ.
DW 2023 гэж нэрлэсэн астероидыг анх хоёрдугаар сарын 26-нд илрүүлсэн гэж Европын сансар судлалын агентлаг мэдээлэв. Энэ нь одоо тус агентлагийн Эрсдлийн жагсаалт буюу Дэлхийд ямар нэгэн нөлөө үзүүлэх боломжтой сансрын биетүүдийн каталогийн жагсаалтын 1-рт эрэмбэлэгджээ.
Гэхдээ энэ нь гамшгийн хохирол зайлшгүй байх болно гэсэн үг биш юм.
"Одоогийн тооцооллоор сансрын энэхүү биет олон нийтийн анхаарал, түгшүүр төрүүлэх шалтгаангүй бөгөөд мөргөлдөх магадлал маш бага гэж үнэлгээний ангилалд бичсэн байна. Эрсдлийн жагсаалтад орсон бусад 1448 астероидын аюулын зэрэг бүгд "0" оноогоор үнэлэгдсэн байна.
ESA одоогоор дэлхийг астероид мөргөх магадлалыг 607-д 1 гэж тооцоолж байна.
Судлаачид уг биетийг 50 метрийн диаметртэй буюу ойролцоогоор Олимпийн усан бассейны хэмжээтэй гэж үзэж байгаа ч үүнээс том байж магадгүй гэж мэдэгджээ.
Дэлхийг хамгийн түрүүнд мөргөх боломжтой астероид бол хорин жилийн дараа буюу Европын сансрын агентлагийн мэдээлснээр DW 2023 нь 2046 оны Гэгээн Валентины өдрөөр тохиож болзошгүй гэж таамаглаж байна.
НАСА-гийн Гаригийн хамгаалалтын зохицуулалтын алба DW 2023 астероидыг ажиглаж байгаа бөгөөд 2046 онд дэлхийг мөргөх эрсдэл маш бага хэвээр байгаа гэж мэдэгдэв.
Эрдэмтэд, орбитын шинжээчид астероидыг үргэлжлүүлэн хянаж, шинэ мэдээлэл гарах үед урьдчилсан мэдээг шинэчлэх болно гэжээ.
Цаг хугацаа өнгөрөхөд өөрчлөгдөж болох түүний тооцооны газрын зураг нь хэрэв тэр дэлхийг мөргөвөл Энэтхэгийн далай болон АНУ-ын зүүн эргийн ойролцоо унах боломжтой байна.
Эх сурвалж: Centralasia.media
