“Эрчим хүчээ хэмнэх нь эх дэлхийгээ хамгаалахын төлөөх гол алхам юм. Сүүлийн саруудад европчууд ийм сорилттой тулгарахад бэлэн гэдгээ харуулсан, мөн аж үйлдвэрийн салбар ч эрчим хүчний хэрэглээ, үйлдвэрлэлийн процессоо оновчтой болгох боломжтой гэдгээ нотолсон” гэж ЕХ-ны Комиссын дэд дарга Франс Тиммерманс мэдэгджээ.
Европын холбоо нь Оросын эрчим хүчнээс хамааралтай байдлаа бууруулах, уур амьсгалын өөрчлөлттэй тэмцэх чиглэлд хүчин чармайлт гаргаж байгаа үед дээрх тохиролцоонд хүрсэн байна.
Одоо “Ногоон хэлэлцээр”-ийг эцсийн санал хураалт явуулахаар Европын парламент болон гишүүн орнуудад шилжүүлэх бөгөөд ихэнх тохиолдолд хуулийн төслүүдийг өөрчлөлт оруулахгүйгээр баталдаг билээ. 2021 онд ЕХ эрчим хүчний хэрэглээгээ 2030 он гэхэд 9 хувиар бууруулах дэвшүүлээд байсан юм. Харин Орос Украин руу довтолсноос хойш олборлодог түлшнээс хамааралтай байдлаа бууруулах нь Европын орнуудад улам тулгамдсан асуудал болжээ.
