Украины зэвсэгт хүчин хоёр сарын дараа сөрөг довтолгоо хийнэ гэж Украины Ерөнхийлөгчийн Тамгын газрын даргын зөвлөх Михайло Подоляк Италийн “La Stampa” сонинд өгсөн ярилцлагадаа мэдэгджээ. Мөн тэрбээр Бахмутын төлөөх тулааныг Украины стратегийн амжилт гэж нэрлэв.
“Бид 155 мм калибрын хүнд их бууны хангамжийг нэмэгдүүлэх шаардлагатай байгаа. Үүнийг ойрын хоёр сарын хугацаанд өөрчлөн зохион байгуулна” гээд Украины Зэвсэгт хүчин Оросын армийг "элэгдүүлж", улмаар хүчээ өөр чиглэлд төвлөрүүлнэ гэж ярилцлагадаа онцолжээ..
Гуравдугаар сарын 6-нд Украины Ерөнхийлөгч Владимир Зеленский Дээд командлагчийн штабын хурал хийж, ялангуяа Бахмут чиглэлийн нөхцөл байдлын талаар ярилцсан юм.
Донецк мужийн Украины хяналтад байгаа газар нутаг дахь Бахмут хотын төлөөх тулаан 2022 оны зунаас хойш үргэлжилж байна. Хоёрдугаар сарын 20-нд Владимир Зеленский Украины Зэвсэгт хүчин Бахмутын төлөө ямар ч үнээр хамаагүй тулалдахгүй гэж мэдэгджээ.
Эх сурвалж: Сentralasia.media
