Улаанбаатараас Ойрх Дорнод, Хойд Африк, Булангийн орнууд руу хурдан шуурхай зорчигч, ачаа тээвэрлэх боломжтой боллоо.
Монгол, Катарын хооронд шууд нислэг үйлдэх хоёр улсын Засгийн газар хоорондын Агаарын тээврийн хэлэлцээрт талууд гарын үсэг зурлаа. Манай талаас ЗТХ-ийн сайд С.Бямбацогт Засгийн газрыг төлөөлөн гарын үсэг зуржээ.
Энэхүү хэлэлцээрийг байгуулснаар хоёр улс хооронд аялал жуулчлал, бизнес, худалдаа эдийн засгийн харилцаа хөгжих боломжтой.
Манай улсаас шинэ эко мах, хушны самар өндөр үнээр экспортлох, зун 50-60 градус хүрч халдаг Арабын орнуудаас Монголын сэрүүн зун амрах боломжтой юм.
Дэлхийд агаарын тээврийн үйлчилгээгээрээ нэгдүгээрт ордог Катар эйрвэйзээр Монголчууд үйлчлүүлнэ. Ийнхүү Монгол Улс 40 дэх улстайгаа агаарын харилцааны гэрээ байгуулж, шууд нислэг үйлдэх боломжтой боллоо хэмээн ЗТХЯ-наас мэдээлэв.
