Өмнөд Солонгосын Засгийн газар Польш улс "Кра"б гаубицуудыг Украинд нийлүүлэхийн тулд экспортын лицензийг баталлаа гэж Батлан хамгаалах яамны албан тушаалтнаас иш татан Ройтерс агентлаг мэдээлжээ.
Энэ бол Сөүл Украинд Өмнөд Солонгосын эд анги бүхий зэвсэг нийлүүлэхийг албан ёсоор зөвшөөрч буй анхны баталгаа юм гэж тус агентлаг онцолжээ. Үүнээс өмнө Өмнөд Солонгосын албаныхан энэ асуудлаар ямар нэгэн байдлаар тайлбар өгөхөөс татгалзаж байсан юм.
Өмнөд Солонгосын Батлан хамгаалахын Худалдан авалтын Хөтөлбөрийн Захиргааны (DAPA) газрын нэг хэлтсийн дарга Ким Хён Чул "Ройтерс" агентлагт өгсөн ярилцлагадаа экспортын лиценз олгосныг нотолсон ч Засгийн газар Украин руу зэвсгийг шууд дамжуулдаггүй гэдгийг онцолжээ. .
Польш улс 18 "Краб" гаубицыг Украинд хүлээлгэн өгсөн нь тавдугаар сард мэдэгдэж байсан юм. Үүнээс гадна Польшийн радио Польш, Украин 650 орчим сая долларын үнэ бүхий 50 гаруй гаубиц нийлүүлэх гэрээ байгуулсан гэж мэдээлсэн.
Эх сурвалж: ВВС
