Туркийн зүүн өмнөд хэсэгт болсон газар хөдлөлтийн улмаас 46,104 хүн амь үрэгдлээ гэж Туркийн Ерөнхийлөгч Режеп Тайип Эрдоган мэдэгджээ. Үүн дээр Сирид амиа алдагсдын тоо 5914-д хүрсэн байна.
Эрдоган "Өнөөдөр газар хөдлөлт болсноос хойш дөрөв дэх долоо хоног өнгөрч байгаа энэ үед бид амсаж буй гамшгийн цар хүрээг илүү тодорхой харж, хохирлын шаналалыг илүү гүнзгий мэдэрч байна" гэж засгийн газрын хуралдааны дараа телевизээр үг хэлэхдээ дурджээ.
Режеп Тайип Эрдоган хэлэхдээ, ойрын хоёр сард тус улсын эрх баригчид гамшигт нэрвэгдсэн бүс нутагт 244 мянган барилга, хөдөө орон нутагт 75 мянган байшин барьж эхлэх гэж байна. Түүний хэлснээр, эдгээр бүс нутагт нийт 488 мянган байшин барилга шинээр баригдах ажээ.
Эргэн сануулахад хоёрдугаар сарын 6-ны шөнө Туркийн зүүн өмнөд хэсэгт 7.7 магнитудын хүчтэй газар хөдлөлт болсон бөгөөд мөн тэр өдрийн орой дахин 7.6 баллын хүчтэй газар хөдлөлт болсон юм.
Эх сурвалж: Сentralasia.media
