УИХ-ын хаврын чуулган гуравдугаар сарын 15-нд эхэлнэ. Хаврын чуулганд Засгийн газраас төрийн өндөр албан тушаалтан өөрийн хамаарал бүхий хүнээс төрийн албанд томилохыг хориглосон хуулийн төсөл өргөн барих аж.
Энэ талаар Ерөнхий сайд Л.Оюун-Эрдэнэ "Парламентын гишүүн, Засгийн газрын гишүүн өөрийн эхнэр, нөхөр, хүүхэд, ах дүү, хамаатан саднаа төрд томилох эрхийг хуулиар хаана. Засгийн газраас хаврын чуулганд ийм хууль өргөн барина. Үүнд олон нийтийн дэмжлэг хэрэгтэй, би дахиад дэмжлэг гуйж байна. Энэ хууль батлагдвал төр бизнес хоёрын зааг тогтоно" гэсэн юм.
