Хятадын үйлдвэрлэлийн салбарын үзүүлэлтүүд өссөнтэй холбоотойгоор зэсийн үнэ өссөн байна. Хятадын үйлдвэрлэлийн худалдан авалтын индекс өнгөрсөн сард 52.6 болж, 2012 оны дөрөвдүгээр сараас хойших хамгийн өндөр үзүүлэлтэд хүрсэн талаар Үндэсний статистикийн товчоо лхагва гарагт мэдээлжээ. Үйлчилгээ, барилгын салбарын үйлдвэрлэлийн бус салбарын хэмжүүрийн идэвхжил 56.3 болж сайжирсан байна. Дээрх хоёр индекс хоёулаа эдийн засагчдын хүлээлтээс давсан байна.
Үүнтэй холбоотойгоор Нью-Йоркийн “Comex” зах зээл дээр тавдугаар сард нийлүүлэх зэсийн үнэ фунт нь 4.16 ам.долларт (тонн нь 9152 ам.доллар) хүрч, мягмар гарагийн хаалтын ханштай харьцуулахад 1.9 хувиар өссөн байна. Гуравдугаар сарын 5-нд нээлтээ хийх парламентын жил тутмын хурлаар Хятад улс энэ онд ДНБ-ий өсөлтийн зорилтоо 5.5-6 хувьд хүргэх төлөвтэй байгаа тухай зарлах аж. ING дэд бүтцийн хөрөнгө оруулалт нь 2023 онд Хятадын хоёр дахь том өсөлтийн хөдөлгүүр болно гэж үзэж байна.
