АТГ-аас Нүүрс хулгайн хэргийн явцын талаар мэдээллээ. Тус байгууллагад одоогоор дараах нэрс яллагдагчаар татагдан шалгагдаж байна.
- УИХ-ын гишүүн А.Адъяасүрэнг Эрүүгийн хуулийн 22.1.5 дугаар зүйл буюу Хахууль өгөх гэмт хэрэг
- УИХ-ын гишүүн Т.Аюурсайханыг зохион байгуулалттай гэмт бүлэг байгуулах, Үндэслэлгүйгээр хөрөнгөжих
- УИХ-ын гишүүн Ш.Раднаасэдийг Улстөрд нөлөө бүхий этгээд албан тушаалын байдлаа урвуулан ашиглаж, бусдад давуу байдал бий болгож хохирол учруулсан
- УИХ-ын гишүүн Ж.Мөнхбатыг Улстөрд нөлөө бүхий этгээд албан тушаалын байдлаа урвуулан ашиглаж, бусдад давуу байдал бий болгож хохирол учруулсан, үндэслэлгүйгээр хөрөнгөжих
- УИХ-ын гишүүн Н.Наранбаатар Улстөрд нөлөө бүхий этгээд албан тушаалын байдлаа урвуулан ашиглаж, бусдад давуу байдал бий болгож хохирол учруулсан
- УИХ-ын гишүүн Б.Энх-Амгалан Улстөрд нөлөө бүхий этгээд албан тушаалын байдлаа урвуулан ашиглаж, бусдад давуу байдал бий болгож хохирол учруулсан зэрэг үндэслэлээр АТГ-аас "НҮҮРСНИЙ ХУЛГАЙН ХЭРЭГ"-Т яллагдагчаар татсан байна.
Мөн:
- Зам тээврийн хөгжлийн сайд асан нэг,
- Төрийн нарийн бичгийн дарга нэг,
- Засаг дарга хоёр,
- Авто тээврийн үндэсний төв” ТӨҮГ-ын дөрөв,
- УИХ-ын гишүүний зөвлөх нэг,
- гаалийн улсын байцаагч 12 ,
- ХХЕГ-ын харьяа байгууллагын дөрөв,
- Боомтын захиргааны мэргэжилтэн хоёр,
- “Эрдэнэс таван толгой” ХК-ийн зургаа,
- “Тавантолгой төмөр зам” ХХК-ийн гурван хүн яллагдагчаар татагдан АТГ-т шалгагдаж байгаа юм байна.
"Нүүрсний хулгайн хэрэг"-т Мөрдөн шалгах ажиллагаагаар 134 объектод нэгжлэг хийж, хүний бие, эд зүйл, баримт бичигт үзлэг хийх ажиллагааг 408 удаа, гэрчээр 950 хүнээс мэдүүлэг авч, 905 баримт материал холбогдох байгууллагаас гаргуулан авч мөрдөн шалгах ажиллагааг явуулж байна. Энэ хугацаанд 78 иргэн, албан тушаалтанд эрүүгийн хэрэг үүсгэж яллагдагчаар татаад байгааг Авлигатай тэмцэх газрын Хэвлэл мэдээлэл, олон нийттэй харилцах ажилтан, комиссар Н.Тэмүүлэн мэдээллээ.
