
Өнөөдөр Баянгол дүүргийн Иргэний хэргийн анхан шатны шүүхэд Хөгжлийн банкны нэхэмжлэлтэй “Хөтөл” ХК-нд холбогдох шүүх хурал болох товтой байсан. Гэвч шүүх хурал шүүгдэгчид болон УЕПГ-ын төлөөлөгчийн гаргасан саналуудыг үндэслэн дахин хойшилжээ. Тус шүүх хурал ийнхүү 16 дахь удаагаа хойшилж байна.
Эргэн сануулбал, Монгол Улсын Хөгжлийн банкнаас “Хөтөл” ХХК-д 2012 онд нийт 61.3 сая ам долларын санхүүжилт олгосон байдаг. Гэвч тус компани зээлээ авсан цагаас хойш эргэн төлөлтөө хийгээгүй тул зээл нь хүүтэйгээ нийлээд 108.7 сая ам доллар буюу 372.0 тэрбум төгрөг болсон талаар Хөгжлийн банкнаас мэдээлж байсан билээ.