НҮБ-ын Ерөнхий Ассамблей Оросыг хөрш орноос цэргээ нэн даруй татахыг шаардсан тогтоолыг олонхийн саналаар баталснаас хойш хэд хоногийн дараа нээгдэж буй энэхүү чуулганы үеэр Украины дайны сэдэв давамгайлах төлөвтэй байна.
НҮБ-д суугаа Их Британийн Байнгын төлөөлөгч Саймон Мэнли чуулганы өмнөх өдөр хэлэхдээ, "НҮБ-ын Ерөнхий Ассамблей дэлхий нийт Украинтай мөр зэрэгцэн зогсож байгааг нотолсоныг энэ чуулган дахин батлан харуулахыг хүсч байна" гэжээ.
Чуулган зургаан долоо хоног үргэлжлэх бөгөөд даваа гарагт нээлтэд НҮБ-ын Ерөнхий нарийн бичгийн дарга Антонио Гутерриш үг хэлсэн бол АНУ, Хятад, Украин, Иран зэрэг нийт 150 орчим төр, засгийн тэргүүн нар оролцож байгаа бөгөөд тэд энэ долоо хоногт чуулганы хуралдаанд үг хэлэхээр төлөвлөж байна.
Түүнчлэн ОХУ-ын Гадаад хэргийн дэд сайд Сергей Рябков пүрэв гарагт үг хэлэх төлөвтэй байна. Өнгөрсөн жил ОХУ-ын Гадаад хэргийн сайд Сергей Лавровын хэлсэн үгийг Зөвлөлийн хуралдаан дээр үзүүлж эхлэхэд олон дипломатууд танхимыг орхин гарч явсан юм.
Харин Украины байнгын төлөөлөгч Евгения Филипенко "Орос улс энэ танхимд суудал авах эрхгүй гэж бид үзэж байна. Бид үүний дагуу ажиллах болно" гэж сэтгүүлчдэд мэдэгдэв.
Эх сурвалж: ВВС
