Туркт газар хөдлөлтийн дараа 600 гаруй хүнд мөрдөн байцаалтын ажиллагаа явуулж байна

Турк улсад газар хөдлөлтийн үеэр нурсан олон зуун барилгуудтай холбоотойгоор 612 хүнийг шалгаж эхэлжээ. Тэдгээрийн дунд барилгын гүйцэтгэгч, компанийн эзэд болон менежерүүд байгаа гэж Associated Press бичжээ.

Тус улсын Хууль зүйн сайд Бекир Боздаг хэлэхдээ, 612 сэжигтний 184-ыг нь баривчилсан бөгөөд шүүх хурлыг хүлээж байна. Тэрээр хэдэхдээ "Нурсан барилгуудтай холбоотойгоор тэднийг буруутгах нотлох баримтууд илэрсэн нь эрүүгийн хэрэг үүсгэх  үндэслэл болж байна" гэж хэлэв.

Хоёрдугаар сарын 6-нд болсон газар хөдлөлтийн улмаас 173 мянган барилга нурж, ноцтой эвдэрсэн байна. Эвдэрсэн барилгуудын ихэнх нь чанар муутай материал, технологиор баригдсан, ихэвчлэн төрийн стандартад нийцдэггүй байсныг мэргэжилтнүүд хэлж байна.

Туркийн өмнөд хэсэг болон Сирийн хойд хэсэгт болсон газар хөдлөлтийн улмаас 50 мянга гаруй хүн амиа алджээ.

Эх сурвалж:Сentralasia.media