Монголчууд сугалаанд итгэж, гэнэтийн аз өөрийг нь ивээж, амьдрал нь өөрчлөгдөнө гэсэн хачин итгэл үнэмшилтэй болсоор байгааг сугалаагаар азтайн тодруулдаг үйл ажиллагаанууд гэрчилж байна.
Сугалаагаар азтай тодруулдаг үйл ажиллагааг төр засгийн зүгээс бодлогоор дэмжиж, сангийн яамнаас тусгай зөвшөөрөл хүртэл олгож, НӨАТ-т төлснийхөө төлөө азын сугалаанд оролцуулдаг хачин жишиг хүртэл тогтоогоод байна. Төрөөс ийм бодлого явуулж байхад бид хөгжил яриад ч хэрэггүй мэт.
Сугалаатай холбоотой С.Гантогоо цахим хуудсандаа ийнхүү өөрийн үзэл бодлыг бусадтайгаа хуваалцсан байна.
Тэрбээр "Надад СУГАЛААГААР машинаа зарая (ихэнхдээ машин) гэсэн байгууллага, хувь хүмүүс маш их ханддаг, хандсаар...Сугалаа авсан хүмүүст бэлэгтэй гээд л аль болохоор олон сугалаа надаар дамжуулан зарах юм байх...Хөлсөнд нь ч их төлбөр хэлдэг.
Би зүгээр л энэ зүйл угаас хогийн санагдаж, хүн чанар зулгааж шууд л ҮГҮЙ гэдэг.Ядарсан, ядраагүй ард иргэдийнхээ карманаас АЗАНД ИТГЭДЭГ үзэлд суурилсан хэн нэгийг баяжуулж, хялбар аргаар хэдэн төгрөг олох тийм сэтгэл ЗҮЙ, ЁС СУРТАХУУН надад байхгүй.
Азтай байх шалтгаанаа өөрөө хий
Гэхдээ сугалаагаар бус ХӨДӨЛМӨРӨӨРӨӨ" гэжээ.
Б.Ирээдүй
