CSGO-ын хамгийн том лиг "ESL Pro League"-ын 17-р улирлын тоглолтууд энэ сарын 22-нд эхэлсэн. Тус тэмцээнд анх удаа оролцож буй Монголын IHC Esports баг сүүлчийн боломжоо хадгалж үлдэхийн тулд маргааш Evil Geniuses багтай тоглохоор боллоо.
Тодруулбал, А хэсгийн эхний тоглолтоо Оросын Outsiders багтай хийж 2-0 (Inferno 16-13, Overpass 16-7) харьцаагаар хожигдсон тэд дунд хүснэгтэд Бразилын MIBR багт мөн 0-2 (Inferno 12-16, Anubis 14-16) харьцаагаар хожигдсон.
Улмаар доод хүснэгтэд Америкийн Evil Geniuses багтай маргааш 19:30 цагаас тоглохоор болов. Монгол залуус тус тоглолтод хожигдвол тэмцээнээ дуусгана хожвол дунд хүснэгтээс унасан багтай тоглох учиртай.
850 мянган ам.долларын шагналын сантай ESL Pro League-ын ялагч IEM Cologne 2023 их дуулга болон Blast World Final 2023-т оролцох эрхийг авна.
