Сар шинийн баярын амралт дуусаж, өнөөдөр албан байгууллагуудын ажлын өдөр тул зарим зохицуулалтын талаарх мэдээллийг дахин хүргэж байна.
ЕБС-ийн сурагчид өнөөдөр амраад Даваа гарагт хичээлдээ орно. Баасан гарагийн хичээлийг гуравдугаар сарын 4-ний Бямба гарагт шилжүүлсэн билээ.
Сүлжээ дэлгүүрүүдийн хувьд өнөөдрөөс ердийн цагийн хуваариар ажиллах бол, Барс, Алтжин бөмбөгөр, Мишээл экспо, Хүннү молл худалдааны төвүүд ажиллаж эхлэх хуваарьтай байна.
Хархорин, Хүчит шонхор, Дүнжингарав зах хоёрдугаар сарын 28-наас ажиллана.
Өнөөдөр 08:00-20:00 цагийн хооронд 5 ба 0-ээр төгссөн дугаартай тээврийн хэрэгслийн хөдөлгөөнд оролцохгүйг ТЦА-наас мэдээлэв.
