Украинд үзүүлэх цэргийн тусламжийн шинэ багцын хүрээнд АНУ-ын эрх баригчид 45 миль (72 км) хүртэл холын тусгалтай GPS-ээр удирддаг "Jdam-ER" бөмбөг илгээжээ. Энэ тухай Блүүмберг батлан хамгаалах салбарын эх сурвалжаас иш татан мэдээлжээ.
Гэсэн хэдий ч Пентагон энэхүү тэсрэх бөмбөгний шинэчилсэн хувилбарыг Киев рүү илгээж байгаагаа одоогоор албан ёсоор хүлээн зөвшөөрөөгүй байна. Энэ нь холын тусгалын зэвсэг байсан гэдгийг учир мэдэх хоёр хүн баталжээ.
"Jdam-ER"-ыг 500-аас 2000 фунт (226-аас 907 кг) жинтэй чиглүүлэгчгүй бөмбөгт бэхлэж болох бөгөөд бөмбөгийг унасны дараа Jdam-ER" далавчаа тэлж, цааш 72 км хүртэл нисэх боломжтой юм. Ингэснээр энэ бөмбөг анхны боломжит зайгаа гурав дахин нэмэгдүүлнэ.
Энэ 2-р сарын 20-нд Пентагон АНУ Украинд 460 сая ам.долларын шинэ цэргийн тусламж үзүүлнэ гэж мэдэгдээд буй юм.
Эх сурвалж: Лента, ру
