Малын тэжээл, өвсний хулгай гарч байгааг ЦЕГ-аас сэрэмжлүүллээ.
Тухайлбал, Сүхбаатар аймгийн Баруун-Урт сумын наймдугаар багийн нутагт байх “Амгалан” хорооллоос малын тэжээл болон хадлангийн аргаар бэлтгэж хураасан иргэдийн өвснөөс 2022 оны арванхоёрдугаар сарын 10-наас 2023 оны нэгдүгээр сарын 28-ны хооронд нийт долоон удаагийн үйлдлээр 1000 орчим боодол өвс тэжээлийг хулгайлан бусдад зарж борлуулсан хэргийг Баруун-Урт сумын харъяат М, Б нар нь бүлэглэн үйлдсэнийг тус цагдаагийн газрын Эрүүгийн цагдаагийн тасгаас илрүүлж холбогдох мөрдөн шалгах ажиллагааг явуулж байна.
Иймд ард иргэд та бүхэн бусдаас худалдаж авч байгаа өвс, тэжээл болон бусад эд зүйлсийн гарал үүслийг нягтлан шалгаж худалдан авч байхыг анхааруулж байна.
