-Ерөнхий сайдын БНСУ-д хийсэн айлчлалын хүрээнд зээл авах бус гадаадын шууд хөрөнгө оруулалтыг татах тал дээр ажилласан. Монгол Улсыг хөгжүүлэхэд гадаадын шууд хөрөнгө оруулалт хэрэгтэй.
-ҮСХ-ны мэдэгдсэнээр эдийн засаг 4.8 хувиар өслөө. Энэ нь цар тахлын өмнөх жил болох 2019 оноос 1.6 хувиар өссөн үзүүлэлт юм. Өөрөөр хэлбэл, бид хүндрэлүүдээ 2022 онд эцэслэн давж гарчээ.
-ДНБ-ий хэмжээ 52.9 их наяд төгрөгт хүрсэн.
-2023 онд эдийн засаг тогтворжино. Зэс, нүүрс, алтны үнэ сайн байх болно. Тиймээс манай экспорт сайн байх болно.
-Гуравдугаар сард Оюутолгойн гүний уурхай тогтмол үйл ажиллагаандаа шилжинэ.
-Засгийн газар 2023 оны өсөлтийг 2022 оноос илүү байхаар тооцож ажиллаж байна.
-2023 оны Монгол Улсын Эдийн засгийн форумыг долдугаар сарын 14, 15-нд зохион байгуулна.
Мөн Ерөнхий сайд БНСУ-д айлчилсантай холбогдуулан дараах үүргийг өгчээ.
-БНСУ-д төрийн үйлчилгээг сайжруулах хүрээнд Консулын газарт ТҮЦ машин байршуулах ажлыг ЦХХХ-ны сайд Н.Учралд 30 хоногийн хугацаатай өгөв.
-БНСУ-д үйл ажиллагаа явуулдаг монгол сургуулиудын санхүүжилтийн асуудлыг шийдэх ажлыг хэсгийг байгуулав.
-БНСУ-д ажиллаж, амьдарч буй монголчуудын санал хүсэлтийг үндэслэн ХНХЯ-ыг тэнд амьдарч буй монголчуудад сэтгэл зүйн үйлчилгээний хүртээмжийг нэмэгдүүлэх үүрэг өгөв.
-БНСУ-ын Консулын газрын ажилчдын тоог гурваар нэмэгдүүлэх үүргийг жилийн хугацаатай ГХЯ-д өглөө.
-Засгийн газраас хүсэлт гарган Цөлжилттэй тэмцэх конвенцийн талуудын 17 дугаар бага хурлыг 2026 онд Хөшигийн хөндийд зохион байгуулах шийдвэр гаргалаа.
-Азийн физикийн 23 дугаар олимпиадыг Улаанбаатар хотод тавдугаар сарын 12-30-ны өдөр зохион байгуулна. Ойролцоогоор 3.2 тэрбум төгрөгөөр санхүүжүүлэхийг Сангийн сайдад үүрэг болгов.
