I сард Япон улсын экспортын өсөлт 3.5 хувь болж саарчээ
Япон улсын гадаад худалдааны тэнцлийн алдагдал анх удаа гурван их наяд иен давсныг тус улсын Сангийн яам мэдээллээ.
Нэгдүгээр сард Японы гадаад худалдааны тэнцэл 3.5 их наяд иений алдагдалтай гарсан нь шинжээчдийн таамгаас доогуур үзүүлэлт болж байна.
Өнгөрсөн сард Япон улсын экспортын өсөлт 3.5 хувь болж саарчээ. Энэ нь дэлхийн технологийн салбарын эрэлт удааширч хагас дамжуулагчийн нийлүүлэлт буурсантай холбоотой аж.
Японы экспорт дунд хугацаанд эргэн өсөх төлөвгүй байгаа нь эдийн засгийн сэргэлтийг удаашруулна гэж “Takeshi Minami”-ийн шинжээч мэдээллээ. Дээр нь иений ханшийн уналт, газрын тосны үнийн өсөлт гадаад худалдааны тэнцэл алдагдалтай гарахад нөлөөлсөн хэвээр байгаа аж.
Төв банкнууд бодлогын хүүг өсгөсөнтэй холбоотойгоор дэлхийн эдийн засгийн өсөлт саарч байгаа нь ирэх саруудад Японы экспортод сөргөөр нөлөөлөхийг шинжээч онцолсон байна. Энэ утгаараа гадаад худалдааны тэнцлийн алдагдал агшихад хэр хугацаа шаардагдах нь тодорхойгүй байна гэж мэдээллээ.
Үүний зэрэгцээ эрчим хүчний үнийн өсөлтийн улмаас импортын дүн өмнөх оны мөн үеэс 17.8 хувиар өссөн нь гадаад худалдааны тэнцлийн алдагдал шинэ дээд түвшинд хүрэхэд нөлөөлж байна.
