Улсын дуурь бүжгийн эрдмийн театрын гоцлол дуучин Ш.Наранчимэгт Монгол Улсын гавьяат жүжигчин цол хүртээхээр болжээ. Тэрээр 2003 оноос одоог хүртэл УДБЭТ-ын гоцлол дуучнаар ажиллаж дэлхийн болон Монголын олон сонгодог бүтээлийг үзэгч түмэндээ хүргэсэн юм.
Ш.Наранчимэг 1999 онд Хөгжим бүжгийн коллеж, 2003 онд Соёл урлагийн их сургуулийг дуурийн дуулаач мэргэжлээр гавьяат жүжигчин А.Бүтэд багшийн удирдлагад тус тус суралцаж төгссөн. Мөн 2006 онд Италийн Ром хотын “Accademia Nazionale di Santa Cecilia” консерваторид мэргэжил дээшлүүлсэн.
Сонгодог тоглолт
2007 он-“Muza D Opera” анхны бие даасан сонгодог концерт
2016 он-“Хүний заяа” бие даасан сонгодог концерт
2009 он-Гавьяат жүжигчин Ө.Уянга, соёлын тэргүүний ажилтан А.Сайнбаяр нартай хамтарсан сонгодог концерт
2011 он-“Тэнгэр цоргисон аялгуу” цомог болон Морин хуурын чуулгатай хамтарсан “Тэнгэр цоргисон аялгуу” концерт
2014 он СУИС-ийн тайзнаа ардын жүжигчин А.Долгортой хамтарсан сонгодог концерт /төгөлдөр хууртай/
2015 он Сүхбаатарын талбайд “Учиртай гурван толгой” дуурийн Нансалмаа /Монголын анхны задгай талбайд болсон тоглолт/
2017 он УДБЭТ-ын гоцлол дуучин, гавьяат жүжигчин С.Мөнгөнцэцэг, соёлын тэргүүний ажилтан Б.Энхнаран нартай хамтарсан сонгодог концерт
2019 он-Төрийн шагналт, урлагийн гавьяат зүтгэлтэн, Хөдөлмөрийн баатар, “Чингис хаан” одонт Б.Шаравын бүтээлээр дагнасан “Романс” нэртэй төгөлдөр хууртай хамтарсан цомог зэрэг бүтээлүүдээр үзэгч сонсогчдоо баясгасан.
Тэмцээн уралдаан
1999 он-Б.Дамдинсүрэнгийн “Учиртай гурван толгой” дуурийн шилдэг дүр шалгаруулах уралдааны тусгай шагнал
2005 он-БНАСАУ-ын Орон орны залуусын “Хаврын баяр” наадмын алтан цом
2007 он-БНАСАУ-ын Орон орны залуусын “Хаврын баяр” наадмын гранпри шагнал
2008 он-Б.Дамдинсүрэн “Учиртай гурван толгой” дуурийн шилдэг дүр шалгаруулах уралдаанд Нансалмаагийн дүрээр тэргүүн байр
2009 он-Гавьяат жүжигчин О.Ичинхорлоогийн нэрэмжит ари, романс дуулаачдын анхдугаар уралдааны хоёрдугаар байр
Гавьяат жүжигчин Д.Бандийн нэрэмжит ари, романс дуулаачдын анхдугаар уралдааны хоёрдугаар байр
ОХУ-ын ардын жүжигчин Л.Л.Линховойнагийн нэрэмжит олон улсын мэргэжлийн дуулаачдын уралдааны “Болор цом” зэргийг хүртсэн юм.
Бүтээсэн дүрүүд
Монголын тайзнаа
Ж.Верди “АИДА” дуурийн Аида,
Ж.Пуччини “ТОСКА” дуурийн Тоска,
Ж.Верди “ТРУБАДУР” дуурийн Леонара,
Ж.Верди “РЕКВИЕМ”
В.А.Моцарт “ДОН ЖУАН” дуурийн Донна Эльвира,
В.А.Моцарт “УВИДАСТ ЛИМБЭ” дуурийн Папагена, II Хатан
Ж.Бизе “КАРМЕН” дуурийн Мерседесс,
Ж.Верди “РИГОЛЕТТО” дуурийн Паж,
Ж.Верди “ТРАВИАТА” дуурийн Аннина,
И.Штраусс “САРЬСАН БАГВААХАЙ” опереттагийн Розалинда,
Ж.Пуччини “БОГЕМА” дуурийн Мюзетта,
Ж.Пуччини “ЧИО ЧИО САН” дуурийн Кет
Ж.Росинни "СЕВИЛИЙН ҮСЧИН" дуурийн Берта
Х.Билэгжаргал “ЛАМБУГАЙН НУЛИМС” дуурийн Цэрэнлхам,
Д.Лувсаншарав “ХАН БҮРГЭД” дуурийн Норовлхам,
Б.Дамдинсүрэн “УЧИРТАЙ ГУРВАН ТОЛГОЙ” дуурийн Нансалмаа,
Б.Дамдинсүрэн “Жаргалын зам” дуурийн Дулмаа,
Б.Шарав “ЧИНГИС ХААН” дуурийн Бөртэ, Хадаан,
Ц.Нацагдорж “ГҮНГЭРИЙН ГҮНЖ” дуурийн Цай Вэн Жи
Ц.Нацагдорж “ҮҮЛЭН ЗАЯА” дуурийн Наранзэл,
Л.Мөрдорж “ХӨХӨӨ НАМЖИЛ” дуурийн Уянга зэрэг дэлхийн сонгодог болон үндэсний дууриудын гол болон туслах дүрийг чадварлагаар бүтээжээ.
Мөн тэрээр ОХУ-ын Улан-Үдэ хотноо Ж.Верди “Трубадур” дуурийн Леонора, АНУ-ын Сан-Франциско хотноо Ж.Вердийн “Реквием”, 2019 онд БНХАУ-ын Хөх хотноо “Учиртай гурван толгой” дуурийн Нансалмаад тус тус тоглосон.
Шагнал урамшуулал
2009 он-БСШУСЯ-ны Соёлын тэргүүний ажилтан цол, тэмдэг
2013 он-УДБЭТ-ын “Оны шилдэг уран бүтээлч”
2017 он-“Алтан гадас” одон
2019 он-УДБЭТ-ын “Оны шилдэг уран бүтээлч” зэрэг шагнал урамшууллыг хүртжээ.
