Японы улсын TBS (Tokyo broadcasting system) телевизийн Драмын тэнхмийн Контент үйлдвэрлэлтийн хэлтсийн дарга Дайки Ишиватари Монголын үндэсний кино урлагийн зөвлөлийн дарга Ч.Ундрал, Кино урлагийн зөвлөлийн ажлын албаны Олон улсын хамтын ажиллагааны газрын дарга Г.Номин-Эрдэнэ нартай өчигдөр албан уулзалт хийжээ.
Энэхүү уулзалтын дүнд TBS телевизийн энэ онд бүтээх олон ангит киноны хоёр ангийн зургийг ирэх тавдугаар сард манай улсад авах болсон байна. Тус уран бүтээлийг олон улсад “Netflix” платформоор дамжуулан түгээхээр төлөвлөж буй аж.
