Өнгөрсөн оны аравдугаар сараас хойш цэргийн хэсэгчилсэн дайчилгаанаас зугтан Өмнөд Солонгосын Инчоны олон улсын нисэх онгоцны буудалд гацсан Оросын таван иргэнээс хоёрынх нь дүрвэгсдийн нэхэмжлэлийг хэлэлцэхийг Өмнөд Солонгосын шүүх дэмжсэн тухай CNN мэдээллээ.
Гуравдагч этгээдийн өргөдлийг шүүх хүлээж аваагүй бөгөөд дахиад хоёр хүн хэргийнхээ шийдвэрийг мөн хүлээж байна.
Тэд өнгөрсөн оны есдүгээр сард дайчилгаа эхэлсний дараа Оросоос зугтсан бөгөөд харин тэр үеэс хойш Өмнөд Солонгосын эрх баригчид хүлээж авахаас татгалзсан тул энэ бүх хугацаанд Сөүл хотын нисэх онгоцны буудалд амьдарч байгаа юм.
Дайилгаанаас зугтсан Оросын таван иргэн Өмнөд Солонгос руу дүрвэж, улс төрийн орогнол хүссэн байна. Гэвч тус улсын Хууль зүйн яам тэднийг эх орондоо цэрэгт татагдахаас зайлсхийсэн нь дүрвэгчийн статус олгох үндэслэл болохгүй гэж үзэж байгаа тул тэднийг орогнуулахаас татгалзжээ.
Гэвч тухайн иргэд Шүүхийн шийдвэрийг эсэргүүцсэн бөгөөд энэ хооронд оросууд Сөүлийн ойролцоох Инчон хотын нисэх буудалд амьдарч байна. Тэднийг хэрэв шүүх хуралд ялагдвал Орос руу албадан гаргана.
Эх сурвалж: ВВС
