Авлигатай тэмцэх газрын Хяналт шалгалт, дүн шинжилгээний хэлтэс нэгдүгээр сарын 30-наас хоёрдугаар сарын 3-ны хооронд нийтийн албанд томилогдохоор нэр дэвшсэн 408 иргэний хувийн ашиг сонирхлын урьдчилсан мэдүүлгийг шалган, 251 мэдүүлгийг хянан шийдвэрлэжээ. Одоогоор ажиллагаанд 157 нэр дэвшигчийн урьдчилсан мэдүүлэг хянагдаж байгаа аж.
Тухайн хугацаанд иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилтэй холбоотой 49 гомдол, мэдээллийг хүлээн авч шалгаснаас 17 гомдол, мэдээллийг хянан шийдвэрлэсэн гэнэ.
Төлөвлөгөөт хяналт шалгалтын хүрээнд дөрвөн албан тушаалтны хувийн ашиг сонирхлын болон хөрөнгө, орлогын мэдүүлгийг шалгав.
Сангийн яам, Төрийн албаны зөвлөл, “Улаанбаатар төмөр зам” ТӨХК-ийн нийт 2781 албан тушаалтанд “ХАСХОМ гаргахад анхаарах зарим асуудал”, “Авлига, ашиг сонирхлын зөрчлөөс урьдчилан сэргийлэх нь” сэдвээр танхимын болон цахим сургалтыг зохион байгуулсан байна.
