Москва, Тегеран хоёр Украины дайнд зориулж Ираны зохион бүтээсэн нисгэгчгүй онгоц-/дрон/ы үйлдвэрийг Орост барихаар төлөвлөж байна гэж Америкийн "Wall Street Journal" сонинд мэдээлжээ. Энэхүү хамтарсан үйлдэр нь дор хаяж 6000 ширхэг дрон үйлдвэрлэх хүчин чадалтай байх юм.
Өнгөрсөн арванхоёрдугаар сард Цагаан ордон Москва, Тегеран ОХУ-д нисгэгчгүй онгоц үйлдвэрлэх хамтарсан шугам барих талаар хэлэлцэж байгааг анхааруулж байсан юм.
Одоо эдгээр яриа хэлэлцээ нь тодорхой төлөвлөгөө болон хувирчээ.
Ираны өндөр түвшний төлөөлөгчид 1-р сарын 5-нд үйлдвэр барихаар төлөвлөж буй Елабуга хотод очсон тухай сонин мэдээлэв. Хоёр улсын өндөр түвшний төлөөлөгчид шинэ үйлдвэр барихаар төлөвлөж байгаа хоосон зочилсон байна. Тодотгоход, Елабуга хот нь Москвагаас зүүн урагш оршдог бөгөөд ОХУ-ын Татарстаны нэгэн мужийн төв хот юм.
Иран улс ОХУ-тай хамтран "Shahed-136" шинэ загварын дроныг бүтээхээр ажиллаж байгаа бөгөөд энэ нь илүү хурдан, хол нисэх шинэ хөдөлгүүртэй байх төлөвтэй байна гэж эх сурвалжууд мэдээлжээ.
Зарим мэдээллээр "Шахед-136"-ийн нислэгийн алслалт нь 1000 км-ээс багагүй бөгөөд 50 кг жинтэй байлдааны хошуу тээвэрлэх боломжтой байх юм.
Шинээр барих энэ үйлдвэр нь дэвшилтэт дрон үйлдвэрлэх юм. Энэ нь Украинд шинэ асуудал үүсгэж болзошгүй юм. Гэхдээ үйлдвэр баригдаж эхлээгүй байгаа тул энэ шийдвэр ойрын ирээдүйд дайны хүчний тэнцвэрийг өөрчлөхгүй гэжээ.
Эх сурвалж: ВВС
