"General Motors”-ийн нэгж хувьцааны ханш сүүлийн байдлаар 8.5 хувиар өсөж, 39.37 ам.доллар болов
“General Motors” компани энэ онд үйлдвэрлэлийн гарцаа нэмэгдүүлснээр орлого нь өснө хэмээн тооцоолж байна. Ингэснээр автомашин үйлдвэрлэгчид цахилгаан автомашинуудынхаа үнийг бууруулан, өрсөлдөөнөө нэмэгдүүлээд байгаа энэ цаг үед “General Motors” ашгийн маржин буурна гэсэн зовнихгүй болж байна.
Цар тахлын үеийн нийлүүлэлтийн сүлжээний доголдол тогтворжсонтой холбоотойгоор тус компанийн SUV болон pick-up загваруудын эрэлт өснө хэмээн таамаглажээ.
““Teslа”, “Ford” компаниуд цахилгаан автомашиныхаа үнийг бууруулсан явдалд санаа зовохгүй байна” хэмээн “General Motors” компанийн Гүйцэтгэх захирал Мэри Барра мэдэгдэв.
Хувьцаа эзэмшигчдэдээ илгээсэн захидалдаа тэрбээр 2022 оны орлогын эрчимтэй өсөлт нь энэ онд ч мөн үргэлжлэх төлөвтэйг онцолж байв. Тус компанийн таамаглалаар хүү болон татварын өмнөх орлого нь 10.5-12.5 тэрбум ам.доллар хүрч, нэгж хувьцааны ханш 6-7 ам.доллар болж өсөхөөр байгаа нь шинжээчдийн төсөөлөл болох 5.70 ам.доллароос давсан үзүүлэлт болж байна.
“General Motors”-ийн нэгж хувьцааны ханш сүүлийн байдлаар 8.5 хувиар өсөж, 39.37 ам.доллар болсон нь сүүлийн дөрвөн сар орчмын хугацааны хамгийн өндөр өсөлт боллоо.
