Сурагчид амарч, хүйтний эрч чангарсан үеэр иргэд гадаад улсыг зорих нь ихэсдэг. Энэ жилийн тухайд монголчууд аль улс руу зорчиж буй талаар холбогдох албадаас тодрууллаа.
Байгаль Орчин, Аялал Жуулчлалын Яам(БОАЖЯ)-ны Бодлого зохицуулах газрын мэргэжилтэн Б.Жавхлан: "Өвөл эхэлснээс хойш Солонгос, Турк улс руу их явж байсан. Сүүлийн үед Зүүн Өмнөд Азийн Вьетнам, Тайланд руу зорчих нь нэмэгдэж байна. Учир нь эдгээр улс руу шууд нислэгтэй байдаг. Мөн иргэд визгүй улс руу илүү их зорчдог" гэв.
Харин Хил Хамгаалах Ерөнхий Газраас өгсөн мэдээллээр 2023 оны нэгдүгээр сарын 10-23-ны хооронд
- Алтанбулаг боомтоор 30,636 зорчигч орж, 31,900 гарсан
- Замын-Үүд авто замын боомтоор 21,388 зорчигч орж, 24,584 зорчигч гарсан
- Чингис Хаан нисэх онгоцны буудлаар 85,580 зорчигч орж, 84,700 зорчигч гарсан байна.
Сонирхуулахад, Монгол Улсын иргэд Хятад, ОХУ, Филиппин, Тайланд зэрэг 25 улс руу 14-90 хоног визгүй зорчих хэлэлцээртэй байдаг.
