2022 онд Хятадын хүн ам сүүлийн 60 жилд анх удаа буюу 2021 оныхоос 850 мянгаар буурчээ. Тус улсын 1000 хүн амд 7-оос доош төрөлт ногдож байгаа нь урьд өмнө байгаагүй доод түвшинд хүрсэн гэсэн үг юм.
Гэтэл үүнтэй зэрэгцэн одоо 1.4 тэрбум гаруй хүн амтай, төрөлт тогтмол өндөр хэвээр байгаа Энэтхэг хүн амын тоогоор Хятадыг гүйцэж түрүүлэхэд ойрхон байна.
Хятадад төрөлт нэлээд эртээс буурч эхэлсэн бөгөөд энэ чиг хандлагыг сааруулахын тулд 1979 онд нэвтрүүлсэн "нэг айлд нэг хүүхэд" бодлогыг долоон жилийн өмнө цуцалсан юм.
Гэвч энэ нь хүсэн хүлээсэн үр дүнг авчирсангүй. 10 жил тутамд хийдэг хүн амын тооллогын 2021 оны хү дүнгээс харахад Хятадын хүн амын өсөлт сүүлийн хэдэн арван жилд байгаагүй удаашралтай байна.
Хятадын Үндэсний статистикийн товчооны мэдээлснээр 2022 онд төрөлт хамгийн хурдан буурч, 2021 онд мянган хүнд ногдох 7.52 төрөлтөөс 6.77 болж буурсан байна. Харьцуулбал, 2021 онд АНУ-д энэ үзүүлэлт 11.06, Их Британид 10.08 байжээ. Түүнчлэн дэлхийд хүн амын тоогоор толгой цохих Энэтхэгт мөн үеийн төрөлт 16.42 байна.
Нэмж дурдахад, Хятадад сүүлийн хэдэн арван жилд анх удаа нас баралт төрөлтөөс давсан байна. 1976 оноос хойш анх удаа 1000 хүн тутамд 7.37 нас барсан нь хамгийн өндөр үзүүлэлт болжээ.
Мэргэжилтнүүдийн үзэж байгаагаар ийм статистик нь хүн ам зүйн хямралын дохио байж магадгүй бөгөөд энэ нь урт хугацаанд Хятадад ажиллах хүч цөөрч, эрүүл мэндийн салбарын ачаалал нэмэгдэж, нийгмийн даатгалын зардал нэмэгдэх болно үзэж байна.
Эх сурвалж:ВВС
