Даваа гарагт Балбад осолдсон зорчигч тээврийн онгоцны хар хайрцгийг олсон тухай албаны хүн мэдэгдэв.
Синьхуа агентлагт Балбын Иргэний нисэхийн албаны төлөөлөгч Жаганнат Нирула "Аюулгүй байдлын албаныхан хэсэг хугацааны өмнө хар хайрцгийг илрүүлсэн. Бид үүнийг удахгүй авах болно" гэж мэдэгджээ.
Өчигдөр үүрээр аврагчид Балбын төвийн жуулчдын алдартай бүс болох Покхара хотын ойролцоо ням гарагт зорчигч тээврийн онгоц осолдсоны улмаас сураггүй алга болсон дөрвөн хүнийг эрэн хайх ажиллагааг дахин эхлүүлсэн байна.
Амь үрэгдэгсдийн заримынх нь цогцос голд унасан байх магадлалтай тул Сэти голоос эрэн хайх ажиллагаанд шумбагчид дайчлагдсан тухай өмнө нь Ж.Нирула Синьхуа агентлагт ярьжээ.
Yeti Airlines компанийн 68 зорчигч, багийн дөрвөн гишүүнтэй онгоц Катмандугаас Похара руу нисч байхдаа Сети голын хөндийд осолдсон байна. Ням гарагт осолдсон газраас одоогоор 68 хүний цогцсыг гаргаж авсан байна.
Балбын Иргэний нисэхийн газрын мэдээлснээр онгоцонд гадаадын 15 иргэн зорчиж явжээ.
Балбын засгийн газар өнгөрсөн даваа гарагт амиа алдагсдын хойноос үндэсний гашуудал зарлаж, Балбын түүхэнд сүүлийн гучин жилд тохиолдсон хамгийн аймшигт ослын шалтгааныг тогтоох таван хүний бүрэлдэхүүнтэй хэсэг байгуулжээ.
Эх сурвалж: Синьхуа
