ХЗДХ-ийн сайд Х.Нямбаатар УБТЗ-ын албан тушаалтан С.Батдөлтэй холбоотой хэрэг дээр хууль эрх зүйн хүрээнд тайлбар мэдээлэл өглөө.
Тэрбээр" Төмөр замын нэр бүхий албан тушаалтантай холбоотой эрүүгийн хэргийн тухайд хэрэг хялбаршуулсан журмаар шийдэх боломж байхгүй.
Үйлдэл нь яг хэдийд үйлдэгдээд хэзээ үйлдэл нь дуусгавар болсон бэ? гэдгийг мөрдөн шалгах ажиллагаа явагдана. Гэмт хэргийн олонлог гэж хувилбар байдаг. Үргэлжилсэн үйлдэлтэй гэмт хэрэг, удааширсан үйлдэлтэй гэмт хэрэг, нийлмэл гэмт хэрэг, нэгдмэл гэмт хэрэг гээд олонлогийн хэлбэр байдаг.
Тэгэхээр иргэн Б-тэй холбоотой хэрэг нь энэ олонлогийн аль төрлийн гэмт хэрэгт орохыг мөрдөн шалгах байгууллага тогтооно. Хамгийн сүүлийн дууссан үйлдлээр нь тооцоод эрүүгийн гэмт хэргийн материаллаг хуулинд аль нь хүчин төгөлдөр үйлчилж эхэлсэн, тэр хуульд нь хамаатуулан зүйлчилнэ. Эрүүгийн хууль бол буцаан хэрэглэх тухай ойлголттой" гэв.
