Оростой холбоотой хакерууд АНУ-ын цөмийн лабораторийн дотоод сүлжээнд халдах оролдлого хийсэн болохыг кибер аюулгүй байдлын мэргэжилтнүүд тогтоожээ.
Сэтгүүлчдийн мэдээлснээр өнгөрсөн оны 8-9-р сард Кремлийн мэдээллийн үйл ажиллагааг дэмждэг “Cold river” бүлэглэлийн хакерууд Нью-Йорк муж дахь Брукхавен үндэсний лаборатори, Чикаго дахь Аргонн үндэсний лаборатори, Калифорни дахь Ливерморын үндэсний лабораторийн дотоод сүлжээнд нэвтрэхийг оролдсон байна. Энэ гурван лабораторийг АНУ-ын Эрчим хүчний яам хариуцан ажиллуулдаг юм.
Ройтерс агентлагийн мэдээлснээр хакерын бүлэгтэй холбоотой хүмүүс байгууллагын дотоод сүлжээнээс нууц үг авахыг оролдсон бөгөөд хуурамч нэвтрэх дэлгэц үүсгэж, ажилтнууддаа цахим шуудан илгээдэг байна. Тэд ямар зорилгоор лаборатори руу нэвтрэхийг хүссэн нь тодорхойгүй.
Эдгээр халдлагын оролдлогыг “Cold river” бүлэгтэй холболтойг кибер аюулгүй байдлын салбарын таван шинжээч нотолж байна. Учир нь хакерууд урьд нь “Cold river” бүлэгтэй холбоотой байсан дижитал ул мөр үлдээжээ.
АНУ-ын Үндэсний аюулгүй байдлын агентлаг болон Британийн засгийн газрын харилцаа холбооны төвөөс Хүйтэн голын үйл ажиллагааны талаар тайлбар хийгээгүй байна.
Эх сурвалж: ВВС
