"Sea Sparrow" пуужинг далайгаас харваж байгаа нь
АНУ-аас Украинд үзүүлэх цэргийн тусламжийн шинэ багцад анх удаагаа "Sea Sparrow" /Далайн бор шувуу/ хэмээн нэрлэгддэг радараар удирддаг зенитийн пуужингууд багтах болно.
Энэ төрлийн пуужинг далай, хуурай газрын алинаас ч харвах боломжтой бөгөөд онгоц болон далавчит пуужингуудыг устгахад ашигладаг гэжээ. Эх сурвалжийн нотолсноор Украины арми аль хэдийн Зөвлөлтийн үеийн "Бук" харвах төхөөрөмжөө Америкийн шинэ пуужинд тохируулж чадсан гэж мэдэгджээ.
Нэгдүгээр сарын 6-ны Баасан гарагт АНУ Украинд үзүүлэх тусламжийн шинэ багцаа зарлахаар төлөвлөсөн. Ассошиэйтед Пресс агентлагийн мэдээлснээр, Киевт үзүүлэх цэргийн шинэ тусламжийн багц нь ойролцоогоор 2.85 тэрбум ам.доллар бөгөөд энэ нь Пентагоны нөөцөөс Украин руу илгээхээр гаргасан цэргийн хэрэгслийн хамгийн том багц болно.
Түүнчлэн Пентагоны хэвлэлийн төлөөлөгч Патрик Райдерын хэлснээр, явган цэргийн байлдааны машинуудыг Украинд хүлээлгэн өгнө.
Эх сурвалж: Лента.ру
