Оросууд халдан довтолсон 2022 оны 2-р сарын 24-өөс он дуусталх хугацаанд Украин 38.94 сая тонн үр тариа, тосны ургамал, түүнчлэн тэдгээрийн бүтээгдэхүүнийг экспортолжээ. Энэ мэдээллийг тус улсын Хөдөө аж ахуйн бодлого, хүнсний яам пүрэв гарагт нийтэлсэн байна.
ОХУ-тай хийсэн зэвсэгт мөргөлдөөний арван сарын хугацаанд Украины гадаад зах зээлд борлуулсан хөдөө аж ахуйн бүтээгдэхүүний гол төрөл нь эрдэнэ шиш, улаан буудай, наранцэцгийн тос байв.
Украин улс гадаадад нийт 38,94 сая тонн хөдөө аж ахуйн бүтээгдэхүүн нийлүүлснээс 26,08 сая тонныг далайгаар, 8,37 сая тонныг төмөр замаар, 4,19 сая тонныг авто замаар экспортолжээ.
Украин бол хөдөө аж ахуйн бүтээгдэхүүн үйлдвэрлэдэг дэлхийн томоохон орнуудын нэг юм. 2021 онд тус улс үр тариа, буурцагт ургамал, тосны ургамлын 106 сая тонн гаруй ургац хураажээ. Энэ нь тус улсын түүхэн дэх дээд амжилт байв.
Украины Хөдөө аж ахуйн бодлогын яамны урьдчилсан тооцоогоор 2022 онд дайны улмаас энэ тоо 67 сая тонн орчим болжбуурсан гэжээ.
Эх сурвалж: Синьхуа
