БНХАУ “Тэг ковид” бодлогоос татгалзсаны дараа тус улсад коронавирусын халдварын тоо огцом нэмэгдсэнтэй холбогдуулан дэлхийн улс орнууд Хятадаас ирэх хүмүүст хориг тавих, эсвэл хязгаарлалт тогтоохоор хэлэлцэж байна.
Бээжингээс гарч буй коронавирусын статистик мэдээлэл ил тод бус байгаатай холбогдуулан арав гаруй улс Хятадаас ирэх жуулчдыг заавал шинжилгээнд хамруулахаар болов.
Гэвч Хятадаас ирж буй иргэдийг заавал шинжилгээнд хамруулахыг ялгаварлан гадуурхсан, хүлээн зөвшөөрөх боломжгүй гэж үзэж, хариу арга хэмжээ авна хэмээн Бээжин мэдэгджээ.
Хятадад гарч буй COVID-19 дэгдэлтийн цар хүрээнд барууны шинжээчид Хятадын статистикийн үнэн зөв байдалд эргэлзсэн хандлагатай байна.
Арванхоёрдугаар сард "тэг ковид" бодлогын хүрээнд хатуу хязгаарлалтыг цуцалсны дараа тус улсын 1.4 тэрбум хүн вирус илэрсэнээс хойш, өөрөөр хэлбэл бараг гурван жилийн турш тусгаарлагдмал байсны дараа одоо халдвартай нүүр тулгарч байна.
Оршуулгын гарууд, эмнэлгүүд ачаалал ихтэй байгаатай холбоотойгоор олон улсын эрүүл мэндийн мэргэжилтнүүд Хятадад энэ жил дор хаяж нэг сая гаруй хүн нас барна гэж таамаглаж байна. Үүний зэрэгцээ тус улсад оршуулгын салбар "саажилттай" байна гэж Блүүмберг тэмдэглэв. Жишээлбэл, Бээжин, Шанхайд нас барсан хамаатан саднаа чандарлахыг нэгдүгээр сарын дунд үеэс өмнө захиалж болно.
Байдал хэдий төвөгтэй байгаа ч Хятад улс ковидийг тэглэх бодлогоо орхихгүй, харин зарим хязгаарлалтыг зөөлрүүлж байна гэж мэдэгдэж байгаа.
Арваннэгдүгээр сард олон нийтийг хамарсан эсэргүүцлийн жагсаалын дараа "тэг ковид" бодлогоос татгалзсанаас хойш ДЭМБ-ын албан ёсны сувгаар Хятадад ковидын халдвартай хүнийг эмнэлэгт хэвтүүлсэн шинэ тохиолдол бүртгэгдээгүй гэж Ройтерс агентлаг арванхоёрдугаар сард мэдээлж байв.
Үүнтэй холбоотойгоор эрүүл мэндийн мэргэжилтнүүд Бээжин дэгдэлтийн цар хүрээг нууж байна уу гэж эргэлзэх болсон.
Мягмар гарагт Хятадын эрх баригчид ковидын улмаас дахин таван хүн нас барсан тухай мэдээлэв. Ийнхүү эрх баригчдын албан ёсны мэдээллээр дэлхийн хамгийн олон хүн амтай улсад тахал эхэлснээс хойшхи бараг гурван жилийн хугацаанд нийт 5258 хүн уг вирусын улмаас нас барсан нь бусад улсын статистик үзүүлэлттэй харьцуулахад маш бага үзүүлэлт юм.
Харин үүнээс тэс өөр бас нэг мэдээлэл байна. Британийн эрүүл мэндийн мэдээллийн Airfinity компанийн шинжээчдийн тооцоолсноор Хятадад өдөр бүр 9000 орчим хүн ковидоос болж нас бардаг гэжээ.
1-р сарын 8-наас эхлэн Хятад улс ирж буй аялагчдыг хорио цээрийн дэглэмд хамруулахыг шаардахгүй ч тус улсад зочлох хүмүүс аялахаасаа өмнө ковид илрүүлэх шинжилгээ хийлгэх шаардлагатай хэвээр байна.
Эх сурвалж: ВВС
